Grammaticae explicationes Latinae capitulorum I et II

[Jose Rojas]

Salvete!

Non solum vocabula Latine, atque imaginum auxilio, illustrare contendo, sed etiam compagem grammaticam, quae in textibus capitulorum lectoribus praebetur.
En vobis notiones grammaticas quas, imaginibus opitulantibus, Latine discipulis meis explicare conatus sum.
Si quid addendum emendandumve in iis judicatis, me certiorem, quaeso, facite. Sed libere emendate et corrigite atque meliora addite, quo discipuli atque studiosi omnia melius intellegere valeant.


GRAMMATICÆ EXPLICATIONES.doc

GELcapII.doc

Valete

[Carlos Cabanillas]

Gratias denuo tibi ago.

[Jose Rojas]

Salve, amice!

Me nodum tandem aliquando solvisse credo. Pensa enim absoluta, quae ad institutionem Latinam secundum rationem Oerbergianam pertinent, in pagina descripsi hac: http://www.scribd.com/Josephus Gaditanus
Gratias et vale!

[Jose Rojas]

Gaudeo quod ea documenta scholastica tibi placuerunt, Carole. Nescio autem quomodo ea omnia in pagina Scribd describere possim. Utique, cum vacavero, sciscitabor et inquiram quemadmodum eo programmate me expedire possim.
Vale

[Carlos Cabanillas]

Documenta quae nobis praebuisti discipulis et magistris qui methodo orbergiana utimur magno auxilio esse existimo. Quid si in paginam Scribd mittis atque ad gregem Chironem addis, ubi iam alia documenta huiusce modi sunt, praecipue quae a nostro Ansgario Legionensi pulchre confecta sunt?
Ego ipse quondam nonnulla instrumenta fecit, quae memoranda appellavi, tamquam summa grammatica capitulorum methodi orbergianae.

Vale.